Ulubembu
Pantu abantu bonse balibifya, kabili bonse balafilwo kukwato bucindami ubo Lesa ali no kubapela.
(Roma 3: verse 23)
Pantu amalipilo ye sambi ni mfwa; lelo ubupe bwa luse lwakwa Lesa bwena, e bumi bwa pee muli Kristu Yesu Imfumu yesu.
(Roma 6: verse 23)
Ukulapila
Lelo nga tulayebelela amasambi yesu kuli Lesa, ninshi tulamucetekela pantu mulungami, alatubelelako uluse ku masambi yesu no kutusamba fyonse ifyo tubifya.
(1 Yohane 1: verse 9)
Ipusukilo no Mweo wa Muyayaya
Kwena abamusekelele no kumusumina, alibapele amaka ya kuba abana bakwa Lesa.
(Yohane 1: verse 12)
Pantu Lesa atemenwe abekalacalo nganshi, ecalengele no kuti apele Umwana wakwe umo fye mpo, pakuti onse uwasumina Mwane ekaloba, lelo akwate ubumi bwa pee.
(Yohane 3: verse 16)
Yesu atile:”Ala nine nshila, nine cine, nine bumi. Takwaba nelyo umo uwingesa kuli Tata, kano apita kuli ine.”(Yohane 14: verse 6)
Elyo abafumisha panse, alabepusha ati: “Mukwai, kuti nacita shani pa kupusuka?” Nabo bamweba abati: “Sumine Mfumu Yesu, ngo kapusuke iwe, na bantu bobe pamo”
(Imilimo ya Batumwa 16: verses 30 na 31)
Umulimo wesu kuli Lesa
Yesu amwasuka ati: Ifunde ilyacilapo nili ilyakutila: Umfweni mwe bena Isreal! Imfumu Lesa wesu e Mfumu imo yeka fye; na imwe muletemwe Mfumu Lesa wenu no mutima wenu onse, no mweo wenu onse, na mano yenu yonse, na maka yenu yonse. Ifunde ilyakonkapo nalyo, nili ilya kutila: “Uletemwo mubiyo ngefyo waitemwa we mwine”. Amafunde yambi ayacila pali aya takwaba.
(Marko 12: verse 29, 30 na 31)
Kabili abeba ati: “Kabiyeni mu fyalo fyonse, muye mulashimike Mbilansuma ku bantu bonse”.(Marko 16: verse 15)
No comments:
Post a Comment